ඉතින් ලෝක ළමා දිනය වෙනුවෙනුත්, ලෝක වැඩිහිටි දිනය වෙනුවෙනුත් ලෝකේ පුරාම විවිධ සැමරුම්, ප්‍රීති උත්සව, වැඩසටහන් සංවිධානය වෙනවා.විශේෂයෙන් වැඩිහිටි නිවාස හා ළමා නිවාස මුල් කරගෙන රටපුරා උත්සව සංවිධානය වෙනවා.
නමුත් හිතන්නට පුංචි කරුණක් පෞද්ගලික අදහසක් විදියට ලියා තබන්නට කැමතියි.
අද ශ්‍රී ලංකාව ආර්ථික වශයෙන් මෙන්ම සෑම අතිකින්ම ඉතා සීඝ්‍ර දියුණුවක් ලබමින් සිටිනවා.එය සතුටට කරුණක්.ඒ වගේම තමයි රට පුරා ළමා නිවාස හා වැඩිහිටි නිවාස වල වර්ධනයත් වැඩිවෙමින් පවතිනවා.ශ්‍රී ලංකාව වගේ බෞද්ධ ආගමික රටක ළමා නිවාස හා වැඩිහිටි නිවාස වල වර්ධනය එතරම් හිතකර තත්වයක් නොවන බවයි මගේ අදහස.මෙය ලාංකිකයන් වශයෙන් කණගාටු විය යුතු කරුණක් වගේම, දැඩි අවධානයක් යොමු කළයුතු කරුණක්.
ඒ වගේම තමයි මේ දිනවල අසන්නට දකින්නට ලැබෙන අනෙක් කරුණ වන්නේ ළමා අපයෝජන හා ස්ත්‍රී දූෂණ.ඒ විතරක් නොවෙයි අද වැඩිහිටියන් පවා අපයෝජනය වන තත්වයක් රට පුරා ව්‍යාප්ත වෙමින් පවතිනවා.මෙයද හිතකර තත්වයක් නොවන බව ඔබද පිළිගන්නවා ඇති.
ඉතිං ආදරණීය අම්මේ තාත්තේ, අයියේ අක්කේ, නංගියේ මල්ලියේ, ළමයින් වශයෙන් මෙන්ම වැඩිහිටියන් වශයෙනුත් අපි අපේ දිනය සමරන අද දවසේ මේ ගැනත් සිත් යොමු කළයුතු යැයි මම අදහස් කරමි.මේ තත්වයන් අවම කර ගනිමින් සාරධර්ම සපිරි රටක් වෙනුවෙන් සටන් කළ යුතුය.ඒ වගේම මෙය අද දවසට පමණක් සීමා නොකළ යුතුය.
කෙටියෙන් වුවත් මා කියන්නට ගිය කරුණ ගැන ඔබට වැටහෙන්නට ඇතැයි සිතමි.ඉතිං මේ ගැනත් සිතන්නට ඔබට ආරාධනා කරමින් වැඩිහිටියන්ටත් අපේ පුංචි ළමයින්ටත් අද දිනය සතුටින් සමරන්නට ප්‍රාර්ථනා එකතු කරමි.
කියලා තියෙන කතාව සහතික ඇත්ත.
ReplyDelete